ضيفيتنا الغاليه فراشه تستلم المايك

شكرا يا عشتار على ذوقك وكلامك

احكى عن نفسى شوية

انا بمل بسرعة ومش عندى صبر
وعصبية ومكتئبة

بحب الشعر ورتيك روشان حبيب قلبى

وبحب مسلسل Grey's Anatomy
وبحب ابطالة جدا

و بحب القراءة والنوم والانترنت

وبحب الضحك واللعب والبحر
ونفسى اتعلم انجليزى
واتعلم الرسم والكارتية والتنس
واتعلم ركوب العجل

وبحب اللون الازرق والوردى والموف

وبحب اكلة الحواوشى والمكرونة بالباشمل

وبحب القطط جدا

وبحب اصحابى

مش بحب المدرسة


بس كدا

فاصل ونواصل

دى مجموعة اشعار انا كتباها

سيدى انا خادمتك المخلصة
التى اخلصت لك من قلبها
ولم تخنك يوما فى حياتها
فهمى من اهتمت بك
واحبت كل من يغرم بك
فقد فضلتك على نفسها
ولخدمتك نسيت احلامها
ومناجلك ضحت بحياتها
ولحبك لغت اهدافها
وبعشقك جن جنونها
عند مرورك دق قلبها
ينذر بالويل لحبها
واجل ابتسامتك تلاحقت انفاسها
ولم تستطع مصارحتك بحبها
سيدى انا خادمتك المخلصة

____________________

سيطر على الحزن حتى قلبى
سيطر على الحزن حتى عقلى
سيطر على حتى ارتفع صوت بكاء قلبى
وحتى تكاثرت دموع عينى
وحتى شل تفكير عقلى
وحتى فقدت احساسى بمن حولى
وحتى اخاطب من لا يخاطبنى
ولا اسمع من يحدثنى
سيطر على الحزن حتى فقدت وعى
حتى صارت الكوابيس تطاردنى
وصرت احلم فى يقظتى
وانا انتظر ان يزول
ولكن انتظارى يطول
وهو باقى
سيطر على الحزن حتى صار حياتى
لا اعيش لحظة من دونة
دائما يرافقنى فى احلامى
وصرت لا اعيش الا معاه
وصرت لا اخاطب سواه
وصرت لا اتذكر احد سواه
____________________________
تمنيت لقاؤك منذ زمن
وصرت اهمس لنفسى بأسمك
وتمنيت رؤيتك والتأكد على معيشتك
وصرت لا اتذكر سواك
حتى قلبى لم ينسى هواك
وعقلى لا يفكر الا بك
وصرت اتذكر كل ما دار بيننا
كلامك وهمسك ورقتك
وهمسك كان قلبى يسمعة
وكنت اخشى ان اضيعك للأبد
عندما ذهبت تمنيت رؤيتك
ولم انس شيئا دار بيننا
لكنى صدمت عندما اراك
وتكلمت معك بكل ما دار
وانت لم تكن رائق البال
ولم تظهر اى اهتمام
حتى اسمى لم تتذكرة
ترقرقت الدموع من عينى
وذهبت ولم ابال بمن حولى
وتذكرت هذا اليوم عندما ذهبت ولم تعد
نعم لم تعد لى
فقد نسيتنى منذ زمن
وانا التى تذكرتك فحسب
_______________________
قضيتى
تعال يا صديق الزمان
حدثنى عن كل ما كان
حدثنى عن قضيتى
قضية قتل سعادتى
التى كان قاتلها مجهول
واثارة لا تزول
تعال يا صديق الزمان
حدثنى عن كل ما كان
هل عرفت قضيتى؟
قضية قتل سعادتى
هل عرفت المتهم؟
فهو من زال ابتسامتى
فهو من طبع الحزن على وجهى
وهو من قطف زهرة سعادتى
قضية قتل سعادتى
التى كان قاتلها مجهول
واثارة لا تزول
_____________
حبك فى قلبى للأبد
لا يذهب ولا يعد
لا يريد غير رؤيتك
ليظل ساكن بجانبك
حبك فى قلبى للأبد
فهو من جعلنى احيا سعيدة
فهو من زال احزانى
ويذكرنى بنفسى
فهو من جعل حزنى سعادتى
ويذكرنى بك للأبد
علمنى كيف احب
فحبك هو السبب
لأنة فى قلبى للأبد
__________________
فصول حياتى
شتاء حياتى
عندما تتساقط امطار قلبى
وتتساقط بغزارة على اسوار احلامى
فيغوص كل ما بنيتة تحت الامطار
- فشتاء حياتى ممطر-
ربيع حياتى
عندما تكثر الورود
ولكنها لا تدوم
وعندما تورق الاشجار
وهى تقاوم الامطار
-فربيع حياتى ممطر-
صيف حياتى
عندما تشتد حرارة قلبى
وينذرنى بالمواجهة
فتأتى المواجهة تحت مياه الامطار
-فصيف حياتى ممطر-
خريف حياتى
عندما تتساقط الامطار
لمرور هواء طفيف
وتغوص الاحلام
بين المطر الكثيف
-فخريف حياتى ممطر-

خلاص يا جماعة استلموا المايك
بس خليكوا فاكرين ان دى هتكون اقل حلقة فى برنامج مايك مزيكتك

1 - ايه المواضيع اللى بتحبى تقرأى عنها ؟ وليه ؟

2 - بتتعاملى مع الناس على أساس ايه ؟ وهل طريقة تعاملك مع اصحابك بتختلف من شخص لاخر ؟ ليه ؟


3 - انتى ليكى بعض من اصدقائك موجودين هنا فى المنتدى ، هل بتجمعى مابين تعاملك معاهم داخل المنتدى وخارج المنتدى ؟


4 - حقيبة اسرارك لمن توديعها ؟ وليه ؟



5 - ايه الموقف اللى ندمتى عليه ؟


6 - موقف حصلك فى المنتدى ومش هتنسيه ايه هو الموقف دا ؟


7 - امتى حسيتى انك زهقتى من المنتدى ؟ وحسيتى ان المنتدى ناقص ايه ؟


8 - اعضاء تعجبكى كتاباتهم وقولى رأيك فى شخصياتهم ؟


9 - امتى قولتى لالالالالالاانا مظلومة ؟


10 - ايه اكتر المواضيع اللى بتحبى تكتبى عنها ؟ وليه ؟

11- ما هو القالقسم المفضل لديك فى المنتدى ؟ ليه ؟


12 - ايه مادتك المفضلة ؟

13 - انتى بتقولى انك مش بتحبى المدرسة ،طب ليه ؟

14 - امتى اتضايقتى منى انا ؟ وامتى حسيتى ان طريقة تفكيرى غريبة ولا ماحستيش كدة اصلا ؟


15 - ايه كان هدفك من المنتدى لما جيتى تعمليه ؟ وهل اتحقق الهدف دا ؟

16 - لو متضايقة من حاجة ونفسك تحكيها لحد هتحكى لمين ؟

17 - فى ناس متشائمة من الدنيا او من وضعها وحالها يعنى واحيانا بتتعقد الامور بسبب كدة ، وفى ناس بتتخطى اى حاجة صعبة فى الحياة عشان الحياة تمشى يعنى ، وفى ناس بتحاول تضحك على نفسها عشان تعرف تعيش ،

وناس متفائلة جدا زيادة عن اللزوم ، وناس تانية بيكونوا كل دا مع بعض ، انتى من مين فيهم ؟ ولا مش من دول خالص ؟


18 - مين الاعضاء اللى عايزة تتعرفى اكتر على شخصيتهم ؟

19 - مين من الاعضاء اللى حبتيهم من اول مادخلوا المنتدى ؟

20 - واخيرا ايه اصعب سؤال فى ال 20 سؤال اللى انا كتبتهملك ؟ وايه اكتر الاسئلة اللى فكرتى فيها كتيييييير ؟



وكفاية كدا النهاردة

عندى شوية اسئلة خفيفة خالث ليكى


1- مين هو اكتر شخص فى المنتدى ممكن تحكى له وتفضفضى له ؟ وليه

soul لأنها صحبتى اللى انا علطول معاها وواثقة فيها

2- من وجهة نظرك انك تخدى شهادة جامعية ولا الزواج مبكراً ؟ وليه

شهادة جامعية طبعا لأنها ممكن تفدنى فى مستقبلى لكن الزواج المبكر اساسا لية اضرار كتيرة
خشى بأه ع السؤال ده

اكتر شخص بتفكرى فيه ومش بيغيب عن ذهنك لفثوة

اختى
كفاية كدا ولنا عودة باذن الله

+
----
-1 - ايه المواضيع اللى بتحبى تقرأى عنها ؟ وليه ؟
التاريخ لأنى نفسى اعرف التاريخ العربى والاسلامى

2 - بتتعاملى مع الناس على أساس ايه ؟ وهل طريقة تعاملك مع اصحابك بتختلف من شخص لاخر ؟ ليه ؟
على اساس معاملتهم معايا _ اه بتختلف من شخص لأخر_ لأنى مش بحب اتكلم كتير مع الناس اللى ماعرفهاش واللى الناس اللى مابحبهومش

3 - انتى ليكى بعض من اصدقائك موجودين هنا فى المنتدى ، هل بتجمعى مابين تعاملك معاهم داخل المنتدى وخارج المنتدى ؟

ازاى يعنى؟

4 - حقيبة اسرارك لمن توديعها ؟ وليه ؟
اختى
لأنى بحبها وهى علطول معايا


5 - ايه الموقف اللى ندمتى عليه ؟

انى قلت لواحدة صحبتى سر عنى المفروض ماكنش حد يعرفة
6 - موقف حصلك فى المنتدى ومش هتنسيه ايه هو الموقف دا ؟

لما قعدت اتخانق انا وانتى عن موضوع مصر
7 - امتى حسيتى انك زهقتى من المنتدى ؟ وحسيتى ان المنتدى ناقص ايه ؟
علطول والله _ الاعضاء والتفاعل و التميز

8 - اعضاء تعجبكى كتاباتهم وقولى رأيك فى شخصياتهم ؟

انتى _وانتى انسانة رقيقة وبتحبى بلدك
عشتار_ عسولة ورمانسية وبتحب اصحابها اوى وبتحب المنتدى
9 - امتى قولتى لالالالالالاانا مظلومة ؟
ولا مرة
انا ساعات بكون مظلومة بس مابقدرش اقول لا

10 - ايه اكتر المواضيع اللى بتحبى تكتبى عنها ؟ وليه ؟
الالعاب والنكت والالغاز لأنى بحب الفرفشة ونفسى انسى النكد

11- ما هو القالقسم المفضل لديك فى المنتدى ؟ ليه ؟
الالعاب والديكور
12 - ايه مادتك المفضلة ؟
ممكن اقول العلوم
13 - انتى بتقولى انك مش بتحبى المدرسة ،طب ليه ؟

لأنى مش شايفة حاجة فيها تتحب
الناس مش ماحفظين عليها
والمدرسين مش بيشتغلوا بجد

14 - امتى اتضايقتى منى انا ؟ وامتى حسيتى ان طريقة تفكيرى غريبة ولا ماحستيش كدة اصلا ؟

انا بضايق منك لما بتحسسينى ان الحياة سهلة
لا ماحستش ان طريقة تفكيرك غريبة
15 - ايه كان هدفك من المنتدى لما جيتى تعمليه ؟ وهل اتحقق الهدف دا ؟

انى احقق التفاعل ولما ادخلة انسى المشاكل
لا ماتحققش
16 - لو متضايقة من حاجة ونفسك تحكيها لحد هتحكى لمين ؟

اختى و soul
17 - فى ناس متشائمة من الدنيا او من وضعها وحالها يعنى واحيانا بتتعقد الامور بسبب كدة ، وفى ناس بتتخطى اى حاجة صعبة فى الحياة عشان الحياة تمشى يعنى ، وفى ناس بتحاول تضحك على نفسها عشان تعرف تعيش ،

وناس متفائلة جدا زيادة عن اللزوم ، وناس تانية بيكونوا كل دا مع بعض ، انتى من مين فيهم ؟ ولا مش من دول خالص ؟


هو ممكن اكون كلة الا انى اكون متفائلة

18 - مين الاعضاء اللى عايزة تتعرفى اكتر على شخصيتهم ؟

انتى
وسندريلا احلى بنات
19 - مين من الاعضاء اللى حبتيهم من اول مادخلوا المنتدى ؟
سندريلا احلى بنات وانتى ولارا

20 - واخيرا ايه اصعب سؤال فى ال 20 سؤال اللى انا كتبتهملك ؟ وايه اكتر الاسئلة اللى فكرتى فيها كتيييييير ؟



رقم 9 (امتى قولتى لالالالا انا مظلومة) _ 5 - ايه الموقف اللى ندمتى عليه ؟

هسالكـ سؤال صعب جدا واتمنى انكـ متفكريش فيه كتير :

foO:



!! ???how are you

تمام الحمد لله

3 - انتى ليكى بعض من اصدقائك موجودين هنا فى المنتدى ، هل بتجمعى مابين تعاملك معاهم داخل المنتدى وخارج المنتدى ؟


انتى قولتى : ازاى يعنى ؟ هل انتى مش فاهمة السؤال ؟


عموما معنى السؤال :

يعنى الاعضاء اللى فى المنتدى بعضهم من اصدقائك زى عشتار وسول مثلا او اى حد تانى يعنى

اصدقائك دول لما مثلا يقولوا رأيهم فى حاجة معينة او يقولولك حاجة او تتناقشوا فى حاجة _ دا وانتوا داخل المنتدى _


دا بيأثر على تعاملك معاهم كاصدقاء


ها فهمتينى ولا لسة ؟









طيب معلش هسألك على حاجة كمان

انا سألتك ايه الموقف اللى مش هتنسيه وقولتى لما قعدنا نتخانق على موضوع مصر

هل انتى اعتبرتى دا خناق ؟ لييييييييييييييييييه ؟ دا كان مجرد نقاش هو انتى زعلتى

+
----
-3 - انتى ليكى بعض من اصدقائك موجودين هنا فى المنتدى ، هل بتجمعى مابين تعاملك معاهم داخل المنتدى وخارج المنتدى ؟


تؤتؤ مش بيأثر








طيب معلش هسألك على حاجة كمان

انا سألتك ايه الموقف اللى مش هتنسيه وقولتى لما قعدنا نتخانق على موضوع مصر

هل انتى اعتبرتى دا خناق ؟ لييييييييييييييييييه ؟ دا كان مجرد نقاش هو انتى زعلتى ؟


علشان كان نقاش مدى على خناق شوية
هههههههههه
لا بجد هو كان مجرد نقاش عادى بس ما تنكريش ان احنا كنا بتنخانق

حكاية بقى زعلت دى مش اوى بس انا اضايقت علشان ماعرفتش اوصلك وجهة نظرى كويس

لا ما انا فهمت وجهة نظرك

بس ما اقتنعتيش بيها

5 - ايه الموقف اللى ندمتى عليه ؟

انى قلت لواحدة صحبتى سر عنى المفروض ماكنش حد يعرفة

ممكن اعرف صحبتك دى فى المنتدى
ولة كانت ممكن نعرف هى مين
بذكر الاسماء
وبصراحه

هو ممكن اكون كلة الا انى اكون متفائلة

وانتى ليه موش متفائله التفأل دا من الايمان بالله
والرسول صلى الله عليع وسلم قال كدا انا التفأل من الايمان
ليه انتى ديما متشائمه؟
انا عارفه وانتى قولتيها قبل كدا
ان المتفالين هما اتعس ناس فى الدنيا
المعلومه دى غلط
ممكن اعرف رايك

----
-5 - ايه الموقف اللى ندمتى عليه ؟

انى قلت لواحدة صحبتى سر عنى المفروض ماكنش حد يعرفة

ممكن اعرف صحبتك دى فى المنتدى
ولة كانت ممكن نعرف هى مين
بذكر الاسماء
وبصراحه

هى مش فى المنتدى
هو ممكن اكون كلة الا انى اكون متفائلة

وانتى ليه موش متفائله التفأل دا من الايمان بالله
والرسول صلى الله عليع وسلم قال كدا انا التفأل من الايمان
ليه انتى ديما متشائمه؟
انا عارفه وانتى قولتيها قبل كدا
ان المتفالين هما اتعس ناس فى الدنيا
المعلومه دى غلط
ممكن اعرف رايك

انا مش متفائلة لأنى لو تفائلت وحصلت حاجة غير اللى كنت متفائلة بيها هيكون زعلى اكبر من انى اكون متوقعة ان مش هيحصل اللى عايزاه

ثانيا انا ماقولتش ان المتفائلين اتعس ناس فى الدنيا بس المتفائلين بيزعلوا اكتر

فأنا عايزة اتعود انى اتوقع اللى مش عايزاة علشان لو توقعى طلع صح مش هزعل اوى
ولو توقعى طلع غلط هفرح جدا

وكمان دى حرية شخصية ومش فرض انى اكون متفائلة

عشتار ياريت تكملى مايك المنتدى

انا هقفل الموضوع دا وسلمى المايك لحد تانى