اكيد فى مصر

دا فى مشاكل كتير جدا لا تعد ولا تحصر
مثلا ان المصرين مش بيحترموا المرأه
فاكرين ان شخصيتها ضعيفة مش هتقدر تعمل حاجة
وكمان ان الناس اللى فى مصر مش عايزين يتقدموا بيها
وبيخافوا اساسا من امريكا واسرائيل والناس دى
انا مرة كنت رحت اسماعيلية رحلة
كانوا كل شوية يفتشوا الأتوبيس خايفين من ان يكون فيه فلسطينى
فتشوا كل الناس وفى ناس كانوا ناسين البطاقة كانوا فكرنهم فلسطينين كانوا هياخدوهم بس كان معاهم اهلم
وعرفوا انهم مصرين
كان فاضل شوية يطلبوا منى بطاقة

ناس ضعيفة اللى عايشة فى مصر بتخاف من سلطات الدول المتقدمة
طيب هما بيخافوا من سلطاتهم مايحاولوا يكونوا متقدمين
لا مش عايزين
ناس عايزة تعيش وخلاص مش لازم فى بلد **** ولا بلد متقدمة
وفى مشاكل تانية كتير

مش عارفة هنعمل اية علشان الناس دى تاخد بالها هما عايشين فين وازاى؟
وبردة ناس بتخلف كتير

بيحبوا الاولاد
افهم يعنى لما يكون عندهم اولاد كتير مش عارفين يصرفوا عليهم دا هيفهدهم بأية

دا هما بيظلموا اولادهم وبيظلموا نفسم
لما واحد يجيب 8 اولاد او اكتر فاكرين ان كثرة الانجاب حلوة
مش عارفين انها خطيرة جدا
مابيفكروش فى ازاى هيصرفوا عليهم
هما دول اللى جايبين المشكلة السكنية

والدولة حتى مش بتعمل حاجة

كل حاجة تستوردها من الصين والدول دى
دا كانت علبة كبريت مكتوب عليها صنع فى الصين

علبة كبريت مستوردنها
وكان فى قلم مستورد من الصين
واللبس مستورد من الصين
كل حاجة مستوردة مستوردة
قليل اوى لما بلاقى حاجة صنع فى مصر
بس صنعها مش حلو
اومال الحاجات الصعبة يعملوا فيها اية

بجد عندك حق فى كل الى بتقوليه والى اقدر اقوله لكى حسبى الله ونعم الوكيل فى امريكا واسرائيل وحتى مصر طول ما هيا متأخره اوى كدا

ليه الكلام دا ا سندريلا

والله زعلت جدا لما قرات الموضوع

هو احلى حاجة فيه اخر جزء منه

بس يا جماعة بردة كل واحد فينا هيحاول يعمل اللى عليه



احم احم

فراشة رتيك روشان هتطلع فيا دلوقتى وتزعل منى



بصى يا فراشة انتى لما تبداى بنفسك غيرك هيشوفك فى ناس بقول فى ناس هيستجيبوا ويكونوا زيك دا غير انك هتعلمى غيرك

يعنى مثلا لو ام مثلا بدات بنفسها هتعلم ابنها واخواتها وصاحباتها ودول هيعلموا اسرتهم وصحباتهم وهكذا

وفى الاخر هتكتشفى ان احنا كتير مش مجموعة صغيرة زى ما قولتى سابقا

اذا ما قتنعتيش فانتى مش هتقتنعى الا ما تجربى بنفسك وتتاكدى من مصداقية كلامى

ان شاء الله هثبت لك دا

وربنا معانا كلنا

باى

امال انا بقول ايه من الصبح انا قصدى يا ساره ان احنا فعلا نبدأ بنفسنا مهوا مثلا لو الشارع مليان ظلام وكل واحد بدأ بنفسه ونزل ومعاه شمعه ايه الى هيحصل؟
طبعا الشارع كله هينور واكيد فراشه مش هتزعل هيا قالت قبل كدا ان انا موافقه فنبدأ بالمنتدى ده عايزين كلنا نذاكر ونجتهد علشان نتفوق وننفع بلدنا
مش كدا ولا ايه

الموضوع دة جميل جدا بين حقيقة كل الناس والصور جميلة بينت الاهمال والتسيب

ههههههههههههههههههه
يعنى انا بكذب
اوكى انتوا حاولوا تقولوا لقرايبكم لكن انا مش هقدر
لأنهم مش هيستجيبوا
وانا شرحت لية فى موضوع تانى قبل كدا
طيب نفرض ان احنا بقينا مجموعة كبيرة
والدولة والحكومة والناس دى مش بتشتغل بجد
زى ما انتى شوفتى فى صورة عضو فى مجلس الشعب وهو نايم
هيستجيبوا لينا؟ الدولة هتستجيب لشوية ناس عادية
لا طبعا
دى محتاجة الرئيس يتغير اعضاء مجلش الشعب يتغيروا
الحكومة و المحافظين والوزرا كل دول محتاجين يتغيروا
لناس عندهم ضمير
وعلى فكرة يا سارة اقولك حاجة وماتزعليش

انتى محسسانى انك فاكرة ان مصر فيها مشكلة واحدة بس اللى منعاها عن التقدم
اللى هى التدخين
بحس انك سايبة كل المشاكل اللى فى الدنيا وبتتكلمى فى التدخين بالذات

فى الادمان فى ناس بتشتغل من غير ضمير
فى حاجات كتير جدا

ومحسسانى ان مصر يعنى خلاص فاضلها سلمة واحدة وتكون خلصت السلم اللى نحو التقدم

غلط طبعا

مصر لسة فى اول سلمة

وياريت تكونى فهمتينى المرة دى علشان انتى مش راضية تفهمى رأيى

وياريت ما تزعليش منى

مش زعلانة ولا حاجة دى حاجة ماتزعلنيش انك تقولى رايك بصراحة

بس اهم حاجة عندى انك ماتزعليش وبعدين انا حاسة انك متعصبة

انا محبش ابدا انى اضايق حد او اخليه متعصب

بس بصى انتى ازاى بتقولى ان انا بقول ان مفيش مشكلة فى مصر غير التدخين

انتى بتقولى كدة علشان شايفانى مهتمة بالمشكلة دى انا فعلا مهتمة بالمشكلة دى وبحاول احلها على قد ما اقدر او بمعنى اصح بدور على حل واحاول انفذه

بس مش معنى كدة ان مفيش غير المشكلة دى

لا طبعا فى مشاكل تانية وعارفة ان مصر بردة فاضلها كتير وتكون متقدمة نوعا ما

بس انتى مش مقتنعة بمبدأ ابدأ بنفسك

انا مقتنعة بية
يعنى اى حاجة بقدر عليها بعملها
الا انى اكلم اهلى
انا هحرج نفسى على الفاضى لأنهم مش هيستجيبوا
بس بس انا مقتنعة بالمبدأ

على فكرة انتوا هتفضلوا تكلموا فى الموضوع دة كتير لانة مش بيخلص وانا مش بكلم فية لان عارفة ان محدش هيستجيب فبكلمش ومش بوجع دماغى معاهم خالص


ممكن حد فيكوا يعترض اوكى بس يبقى يقولى مين الناس اللى استجابوا لة؟؟!!!!!!!!!!

ايوة فعلا

ممكن يا سارة تقولى ان احنا سلبين وردود افعالنا سلبية لكن فعلا والله هو دا اللى هيحصل مين اللى هيستجيب لية
لو انتى عندك قولى
بس ماتقولش نقول
انتى قولتى وناس استجابت ليكى غير اهلك وقرايبك قولى
نسبة صغيرة جدا والله اللى هتستجيب
ومبدأ ابدأ بنفسك فى الحاجات دى مش هينفع

فعلا ده حقيقى انا عمرى ما هقول لاهلى لانى متأكده انى انا هبقى فى موضع احراج وانا بحاول انى اغير من مصر عن طريق نفسى صدقونى ده الحل الصحيح ان احنا نبدأ بنفسنا حاولوا تبدئواا بنفسكم وانتم تلاقوا طريق وصول مصر للقمه قرب بس ابدئوا انتوا وانا وكلنا نبدأ بنفسنا واحنا هنوصل

ولا كلامى فيه حاجه غلط؟

مظبوط اوى

وانا بايدك

شكرا ليكى

ايوة ممكن يا فراشة اقولك مين اللى استجاب

اولا اخواتى

ثانيا صحباتى


ثالثا زمايلى

ورابعا ناس كدة يعنى انا عارفاهم زى مثلا الاخصائية الاجتماعية وبنتها يعنى حاجة زى كدة







طبعا مش كل صحباتى استجابوا ومش كل زمايلى استجابوا بس كتير منهم

وحتى ولو انا بحاول اقنع اللى مش قادرين يقتنعوا

يعنى مثلا فى شوية من قرايبى ماقتنعوش انا بحاول اقنعهم بقدر الامكان





















وفعلا يا رحمة الموضوع كبير وصعب بس اهو احنا بنحاول

مش اى حاجة كدة نستسلم دا يبقى اسمه ضعف








بس بقى لو سمحتوا هو فى نقطة كدة انا مش فاهماها

انتوا بتقولوا انكم هتحرجوا نفسكم لما هتكلموا اهلكم فىالموضوع دا

انا بقى عايزة افهم فيها احراج من ناحية ايه ؟؟؟!!!

انا فعلا مش فاهمة انتوا جايبنها ازاى فياريت تجاوبوا على سؤالى

خلاص اهدئوا جميعا

لأن انا لما اكلم اهلى مس هيستجيبوا

وفى قرايبى ممكن يتريؤا بنظرية ان مافيش حد عرف يقدم مصر
احنا اللى هنعرف
فدا موضوع احراج

يا سارة اللى عايزة اعرفة بقى فين الاخصائية الاجتماعية دى
انتى شكلك بتفشرى علينا
ههههههه
ولا ايةانتى فى نفس مدرستى وانا مش شوفت الاخصائية دى ابدا

بجد والله عايزة اعرفها
انا لو عرفتها هكلمهالك عن ندوات وحاجات جامدة يعنى
بس انتى عرفينى عليها

ايه يا فراشة دا

ابلة سامية انتى ماتعرفيهاش ؟؟؟ !!!

هو بس علشان انتوا مسائى هى بتيجى صباحى







من الحق جات كمان اخصائية نفسية

يعنى بقى فى اخصائية اجتماعية واخصائية نفسية

وان شاء الله لما هتبقى صباحى هتشوفيهم .

ايه يا فراشة دا

ابلة سامية انتى ماتعرفيهاش ؟؟؟ !!!

هو بس علشان انتوا مسائى هى بتيجى صباحى







من الحق جات كمان اخصائية نفسية

يعنى بقى فى اخصائية اجتماعية واخصائية نفسية

وان شاء الله لما هتبقى صباحى هتشوفيهم .

اوكى
هو دا اخر اسبوع لينا مسائى وبعد كدا هنقلب صباحى

بجد يا ساره جت اخصائيه نفسيه

طيب الاخصائية النفسية اسمها اية يا سارة؟

انا اول مره اعرف ان فيه اخصائيه نفسيه جت المدرسه بتاعتنا

اول مرة تعرفى يا سندريلا لانك بقالك كتير ماجتيش المدرسة

وهى اسمها ميس مروة

بس والله كويس مش مصدقنى انتوا الاتنين؟؟ !!

خلاص يا ستى ما تتنرفزيش علينا

هههههههههههه